Sa chlár seo, tugann na láithreoirí Frainc, Gráinne, Naoise agus Síomha an lucht féachana ar aistear chuig an choill chun foghlaim faoi ghnáthóga na gcréatúr atá ina gcónaí inti. Amharcann an teaghlach ar shamplaí d'ábhair nádúrtha amhail caonach agus craobhóga, ag foghlaim faoin dóigh a n-úsáideann ainmhithe iad seo chun a ngnáthóga a thógáil. Téann an teaghlach amach sa choill chun gnáthóga a aimsiú agus a shainaithint. Déanann siad ealaín le duilleoga ón choill, canbhás agus cárta donn chun gráinneog a chruthú. Ag deireadh an chláir, ceolann an grúpa amhrán darb ainm ‘An Sionnach Rua’.

Sa chlár seo, tugann na láithreoirí Frainc, Gráinne, Naoise agus Síomha an lucht féachana ar aistear chuig an choill chun foghlaim faoi urlár na coille agus a thábhacht don éiceachóras. Amharcann an teaghlach ar shamplaí d'urlár na coille, ag foghlaim faoi na sraitheanna éagsúla. Téann an teaghlach amach sa choill chun urlár na coille a fheiceáil agus a fhiosrú. Feiceann siad cac fia agus mionbheithígh. Déanann siad ealaín le bosca bróg. Cuirtear cré, duilleoga agus craobhóga isteach ann, agus déantar péist as taos le súile bréagacha chun cónaí ann. Ag deireadh an chláir, ceolann an grúpa amhrán darb ainm ‘Domhain Éachtach Iontach’.

Sa chlár seo, tugann na láithreoirí Frainc, Gráinne, Naoise agus Síomha an lucht féachana ar aistear chuig an choill chun foghlaim faoi charraigeacha agus a ról sa nádúr. Amharcann an teaghlach ar shamplaí de chlocha difriúla. Téann an teaghlach amach sa choill chun samplaí de charraigeacha a fheiceáil. Déanann siad ealaín charraige le clocha agus marcóirí péinte. Ag deireadh an chláir, ceolann an grúpa amhrán darb ainm ‘Grianstad an tSamhraidh’.

Sa chlár seo, tugann na láithreoirí Frainc, Gráinne, Naoise agus Síomha an lucht féachana ar aistear chuig an choill chun foghlaim faoi chrainn dhúchasacha na hÉireann. Amharcann an teaghlach ar shamplaí de dhuilleoga ó chrainn dhúchasacha bheaga, amhail an crann darach agus an crann caorthainn. Téann an teaghlach amach sa choill chun na crainn mhóra atá ag fás go nádúrtha a fheiceáil agus a shainaithint. Déanann siad priontáil duilleog ar chanbhás ag baint úsáid as dathanna na coille agus ceolann siad amhrán darb ainm ‘Duilleoga Órga’.

Sa chlár seo, tugann na láithreoirí Frainc, Gráinne, Naoise agus Síomha an lucht féachana ar aistear chuig an choill chun foghlaim faoi thimthriall an uisce. Déantar cur síos ar na ceithre chéim de thimthriall an uisce: Fearthainn/Báisteach, Bailiú, Galú/Trasghalú, agus Comhdhlúthú. Téann an teaghlach amach sa choill chun abhainn agus sruthán a fheiceáil, agus foghlaimíonn siad gur cuid de thimthriall an uisce é an t-uisce iontu, a chríochnóidh san fharraige ar deireadh. Déanann siad a dtimthriall uisce féin le slisíní adhmaid agus marcóirí péinte. Ag deireadh an chláir, ceolann an grúpa amhrán darb ainm ‘Uisce’.

Sa chlár seo, tugann na láithreoirí Frainc, Gráinne, Naoise agus Síomha an lucht féachana ar aistear chuig an choill chun foghlaim faoi chrainn dhúchasacha. Téann Frainc, Gráinne, Naoise agus Síomha isteach chuig an choill le hamharc ar chrainn dhúchasacha atá ag fás ansin. Feiceann siad crann coill agus crann cuilinn. Críochnaíonn an clár le ceardlann chruthaitheach ina ndéanann siad ealaín le slisíní adhmaid bunaithe ar dhuilleoga na gcrann, ag baint úsáid as marcóirí péinte. Ceolann siad amhrán darb ainm 'Iora Rua'.