Ár gcéadfaí is ábhar do chlár an lae inniu. Tabharfaidh Peadar cuairt ar Ghairdíní Céadfacha Delta, áit a bhfaighidh sé deis úsáid a bhaint as a chuid céadfaí go léir. Déanfaidh Caoimhe agus Faith-Leigh turgnamh chun tástáil a dhéanamh ar na céadfaí. Foghlaimeoidh Caitríona agus a cairde cén chaoi a gcuidíonn madraí treorach le daoine atá dall nó a bhfuil lagú radhairc acu. Foghlaimeoidh muid freisin faoin eolaí cáiliúil Helen Keller.

Eolaíocht Spóirt is ábhar do chlár an lae inniu. Tabharfaidh Peadar cuairt ar Shaotharlann na Feidhmíochta Daonna le tuilleadh a fhoghlaim fúithi. Beidh Olivia agus Suzanne sa stiúideo leis an eolaíocht atá taobh thiar de phreabadh a thaispeáint dúinn. Rachaidh ár dtuairisceoir Caitríona agus a cairde chuig an Ionad Náisiúnta Spóirt & Eolaíochta agus foghlaimeoidh muid freisin faoin eolaí cáiliúil Bodhidharma.

Cosaintí Nádúrtha is ábhar do chlár an lae inniu. Tabharfaidh Peadar cuairt ar phluais speisialta leis an gcaoi a gcosnaíonn ainmhithe iad féin agus iad faoi ionsaí a fháil amach. Beidh Cillian agus Ruadhán sa stiúideo leis na bealaí difriúla a bhíonn ainmhithe á gcosaint féin a thaispeáint dúinn. Rachaidh ár dtuairisceoir Caitríona agus a cairde chuig Páirc Fiadhúlra Fota chun mar a dhéanann ainmhithe móra iad féin a chosaint a fháil amach. Foghlaimeoidh muid freisin faoin eolaí cáiliúil Jane Goodall.

Aeraidinimic is ábhar do chlár an lae inniu. Tabharfaidh Peadar cuairt ar Chlub Faoileoireachta Bhaile Átha Cliath. Beidh Róise agus Dearbhail sa stiúideo chun an chaoi a n-athraíonn aeraidinimic rudaí agus iad ag gluaiseacht tríd an aer a thaispeáint dúinn. Déanfaidh Caitríona agus a cairde tástáil ar rud ar a dtugtar prionsabal Bernoulli. Foghlaimeoidh muid freisin faoin eolaí cáiliúil Orville Wright.

Innealtóireacht is ábhar do chlár an lae inniu. Tabharfaidh Peadar cuairt ar theach atá bun os cionn. Bainfidh Ailbhe agus Eimear triail as turgnamh le tástáil a dhéanamh ar dhá dhroichead dhifriúla, féachaint cé acu droichead is láidre. Tabharfaidh Peadar cuairt ar chlochán coirceogach freisin chun an úsáid a bhain na manaigh Ghaelacha as an innealtóireacht fadó a fháil amach. Foghlaimeoidh muid freisin faoin eolaí cáiliúil Nikola Tesla.

Géineolaíocht is ábhar do chlár an lae inniu. Tabharfaidh Peadar cuairt ar champa eolaíochta chun an chaoi le sampla DNA a bhaint as sú talún a fháil amach. Beidh Éanna agus Ciarán sa stiúideo ag cabhrú le Peadar puzal a réiteach a thaispeánfaidh mar a shocraíonn na géinte atá againn an chuma a bheidh orainn. Cuirfidh Caitríona neart ceisteanna ar chúpla comhionann chun a gcuid cosúlachtaí agus difríochtaí a fháil amach. Foghlaimeoidh muid freisin faoin eolaí cáiliúil James Watson.

Feithidí agus damháin alla is ábhar do chlár an lae inniu. Tabharfaidh Peadar cuairt ar Shaotharlann na gCóras Nimhe & Próitéamaíochta i nGaillimh chun tuilleadh a fhoghlaim faoi dhamháin alla. Beidh Saoirse agus Deryn sa stiúideo ag cabhrú le turgnaimh chun mar a bhaineann beacha úsáid as leictreachas statach le pailniú a dhéanamh ar phlandaí a thaispeáint. Rachaidh ár dtuairisceoir Caitríona agus a cairde ag tóraíocht feithidí sa dúlra i bPáirc na Cúile. Foghlaimeoimid freisin faoin eolaí cáiliúil H.W. Bates.

An inchinn is ábhar do chlár an lae inniu. Déanfar scanadh ECG air Pheadar chun gníomhaíocht leictreach a inchinne a mheas. Beidh Caoimhe agus Faith-Leigh sa stiúideo ag cabhrú le roinnt turgnaimh spraíúla. Bainfidh ár dtuairisceoir Caitríona agus a cairde triail as rothair a bhfuil na lámha iompaithe siar orthu. Foghlaimeoidh muid freisin faoin eolaí cáiliúil Sigmund Freud.

Dineasáir is ábhar do chlár an lae inniu. Tabharfaidh Peadar cuairt ar Mhúsaem Stair an Dúlra i Londain chun tuilleadh a fhoghlaim fúthu. Beidh Olivia agus Suzanne sa stiúideo ag taispeáint mar a d'éirigh le dineasáir an leas is fearr a bhaint as an muineál fada a bhí orthu. Rachaidh ár dtuairisceoir Caitríona agus a cairde ar cuairt chuig Ollscoil na hÉireann Corcaigh go bhfaighidh sí amach chomh sciobtha is a bhí dineasáir in ann siúl agus rith. Foghlaimeoimid freisin faoin eolaí cáiliúil Mary Anning.

Geolaíocht is ábhar do chlár an lae inniu. Tabharfaidh Peadar cuairt ar Mhianaigh Ghleann Gabhla le fáil amach an féidir leis aon chlocha luachmhara a aimsiú. Beidh Fiachra agus Aoibhín sa stiúideo ag cabhrú le turgnaimh chun foghlaim faoi chreimeadh agus síonchaitheamh. Rachaidh ár dtuairisceoir Caitríona agus a cairde go Boirinn i gCo. an Chláir. Foghlaimeoimid freisin faoin eolaí cáiliúil Alfred Wegener.

Spástaisteal is ábhar do chlár an lae inniu. Tabharfaidh Peadar cuairt ar Mhúsaem na hEolaíochta i Londain chun níos mó a fhoghlaim faoi spásairí. Beidh Dáithí agus Peadar sa stiúideo i mbun turgnaimh chun rud ar a dtugtar móiminteam uilleach a thaispeáint. Rachaidh ár dtuairisceoir Caitríona agus a cairde ag féachaint ar réaltaí ag Réadlann Dhún Sinche i mBaile Átha Cliath. Foghlaimeoimid freisin faoin eolaí cáiliúil Valentina Tereshkova.

Teicneolaíocht don Todhchaí is ábhar do chlár an lae inniu. Foghlaimeoimid faoin tionchar atá ag an teicneolaíocht ar bhealaí taistil. Beidh Laura agus Ríona sa stiúideo i mbun turgnaimh le róbait. Tabharfaidh ár dtuairisceoir Caitríona agus a cairde cuairt ar an Ionad Náisiúnta Spóirt agus Eolaíochta. Foghlaimeoimid freisin faoin eolaí cáiliúil Grace Hopper.

Cumarsáid is ábhar do chlár an lae inniu. Tabharfaidh Peadar cuairt ar Mhúsaem Náisiúnta Muirí na hÉireann le foghlaim faoi na bealaí a seolann báid teachtaireachtaí ar an bhfarraige. Beidh Mar agus Dearbhail sa stiúideo ag féachaint mothúcháin a léiriú le cumarsáid neamhbhriathartha. Tabharfaidh ár dtuairisceoir Caitríona agus a cairde cuairt ar Stáisiún Chábla Trasatlantach Dhairbhre chun tuilleadh a fháil amach faoi chód Morse. Foghlaimeoimid freisin faoin eolaí cáiliúil Alan Turing.

An Timpeallacht is ábhar do chlár an lae inniu. Tabharfaidh Peadar cuairt ar Thearmann Rónta na hÉireann. Beidh Kayla agus Caoimhe sa stiúideo ag tabhairt faoi thurgnaimh a fhiosróidh téamh domhanda. Tabharfaidh ár dtuairisceoir Caitríona agus a cairde cuairt ar Chúirt an Phaoraigh le fáil amach faoi athrú aeráide agus faoi na rudaí is féidir linn a dhéanamh faoi. Foghlaimeoimid freisin faoin eolaí cáiliúil Sylvia Earle.

Bia is ábhar do chlár an lae inniu. Tabharfaidh Peadar cuairt ar fheirm déiríochta le breathnú ar an tslí a ndéantar cáis. Beidh Fiachra agus Aoibhín sa stiúideo ag tabhairt faoi thurgnaimh a léiríonn mar a n-éiríonn linn fuinneamh a bhaint as bia. Tabharfaidh Caitríona agus a cairde cuairt ar fheirm ar Eastát Airfield. Foghlaimeoimid freisin faoin eolaí cáiliúil Momofuku Ando.

An tseandálaíocht is ábhar do chlár an lae inniu. Tabharfaidh Peadar cuairt ar oileán a bhfuil crannóg air, agus beidh sé ag foghlaim faoi na slite a mbíodh daoine á gcosaint féin fadó. Beidh Nina agus Izzy sa stiúideo ag cabhrú le Peadar a fháil amach chomh sean is atá rud ón tsraith chréafóige inar aimsíodh é, agus tabharfaidh Caitríona agus a cairde cuairt ar Scoil Seandálaíochta i mBaile Átha Troim. Foghlaimeoimid freisin faoin eolaí cáiliúil Aodh Buidhe Mac an Bhaird.

Ríomhairí agus an chaoi a n-oibríonn siad is ábhar don chlár seo. Tabharfaidh Peadar cuairt ar champa iPad i mBaile Átha Cliath chun foghlaim faoin gcódú agus faoin róbat Sphero. Beidh Éabha agus Tomás sa stiúideo ag cabhrú le turgnaimh ríomhaireachta agus ag foghlaim faoi chóid, agus déanfaidh Caitríona códú le LEGO. Foghlaimeoidh muid freisin faoin eolaí cáiliúil Tim Berners-Lee.

Am is ábhar don chlár seo. Tabharfaidh Peadar cuairt ar fhadlíne Greenwich i Londain le foghlaim faoi am. Beidh Jeaic agus Aoibhe sa stiúideo ag cabhrú chun turgnamh cáiliúil bunaithe ar am a dhéanamh, agus úsáid á baint acu as luascadáin. Beidh muid ag foghlaim faoin eolaí cáiliúil Albert Einstein, a chreid go raibh spás agus am go hiomlán nasctha. Tabharfaidh Caitríona cuairt ar Bhrú na Bóinne chun féachaint ar bhealach an-spéisiúil le ham a léamh.

Aer agus an tábhacht atá leis is ábhar do chlár an lae inniu. Fiosróidh Peadar an smacht atá ag an aer ar an aimsir, ar an domhan agus fiú ar eitilt. Beidh Cian Ó Cadhain agus Fionán Ó Gríofa ag cabhrú le Peadar sa stiúideo. Tabharfaidh ár dtuairisceoir Úna aghaidh ar na farraigí móra in éineacht leis na bádóirí óga agus rachaidh sí ag seoltóireacht den chéad uair riamh! Rachaidh Peadar ag surfáil eitleoige. Beidh sé ina ruaille buaille sa tsaotharlann nuair a mheascann an tOllamh agus Aodh aer agus héiliam.

Eolaíocht fhóiréinseach is ábhar do chlár an lae inniu. Tá cás le réiteach agus lón Pheadair ar iarraidh. Taispeánfaidh sé do Shinéad Ní Fhlannabhra agus Aisling Nic Ruairc chun a méarloirg a scrúdú agus tabharfaidh siad cúnamh dó a chás a réiteach agus a cheapaire a aimsiú. Tabharfaidh Peadar cuairt ar shaotharlann Eolaíocht Fhóiréinseach Éireann. Tabharfaidh Úna agus a cairde as Scoil Iognáid cuairt ar na Cell Explorers in Ollscoil na hÉireann, Gaillimh agus foghlaimeoidh siad chun DNA banana a aimsiú. Beidh cás le réiteach ag an tOllamh Ullamh freisin inniu.

Bia agus plandaí agus an tábhacht atá leo is ábhar do chlár an lae inniu. Tástálfaidh Peadar céard go díreach atá ag teastáil ó phlandaí chun go mairfidh siad agus míneoidh sé céard go díreach é fótaisintéis. Tabharfaidh Aedín agus Abby Ní Mháille cuairt ar Pheadar sa stiúideo agus fiosróidh siad cén chaoi chun saill agus próitéin a thástáil i mbia. Beidh Úna agus a cairde ag garraíodóireachta i nGáirdín Bhríde.

An croí agus mar a oibríonn sé is ábhar do chlár an lae inniu. Fiosróidh Peadar mar a oibríonn an croí. Tabharfaidh sé cuairt ar otharcharr croí agus feicfidh sé an chaoi a n-oibríonn dífhibrileoir agus an tábhacht atá leis. Tabharfaidh Úna agus a cairde cuairt ar na Cell Explorers in Ollscoil na hÉireann Gaillimh agus fiosróidh siadsan an croí freisin. Tabharfaidh Oisín Concannon agus Oisín Mac Aodh cuairt ar an stiúideo agus ar Pheadar chun níos mó a fáil amach faoin gcaoi a n-oibríonn an croí. Tá meaisín nua faighte ag an Ollamh Ullamh atá sé ag iarraidh a thástáil ar Aodh bocht.

An cnámharlach a bheidh faoi chaibidil ag na heolaithe inniu. An raibh a fhios agat go bhfuil 200 cnámh ag duine fásta? Tabharfaidh Peadar a mhadra Woody chuig an tréidlia chun x-gha a chur air. Beidh Úna ag tochailt in éineacht le seandálaithe óga ag suíomh seandálaíochta. Beidh Amanda Ní Bhrádaigh agus Katie Bhreathnach ag cabhrú le Peadar sa stiúideo agus rachaidh siad i gcoimhlint lena chéile ag iarraidh cnámharlach a chur le chéile in aghaidh an chloig.

Tabharfaidh Caoilfhionn Ní Ghríofa agus Caomhán Ó Tuathail cuairt ar Pheadar sa stiúideo agus féachfaidh siad lena gcuid iontaisí féin a dhéanamh. Beidh an-spraoi ag Peadar nuair a thiocfaidh a chara ar tréidlia é, Cathal Ó Loingsigh, chuig an stiúideo. Tabharfaidh Peadar cuairt ar Ard-Mhúsaem na hÉireann agus beidh Úna agus a cairde as Scoil Iognáid in éineacht leis an sealgaire feithidí Michel in Ollscoil na hÉireann, Gaillimh agus foghlaimeoidh siad cén chaoi le feithidí a aimsiú agus iad a scrúdú.

Uisce agus an tábhacht atá leis is ábhar do chlár an lae inniu. Fiosróidh Peadar an bealach a ghlantar uisce sula dtagann sé isteach inár dtithe. Beidh Conall Ó Mainnín agus Bláithín Nic Dhonnacha ag cabhrú le Peadar sa stiúideo. Rachaidh Úna ar thuras ar an Celtic Explorer a bhíonn i mbun taighde ar an bhfarraige agus tá fadhb ag an tOllamh Ullamh le sconna nach bhfuil ag obair.

An grianchóras is ábhar do chlár an lae inniu. Beidh Fionán Ó Conghaile agus Pat Ó Murchú sa stiúideo agus iad ag déanamh teileascóip. Tabharfaidh Peadar cuairt ar Chaisleán Bhiorra go bhfeicfidh sé an teileascóp mór stairiúil ansin. Tabharfaidh Úna cuairt ar Réadlann Chaisleán na Dúcharraige lena cairde. Tá trioblóidí ag an Ollamh Ullamh le hAodh arís.

Athchúrsáil is ábhar do chlár an lae inniu. Ar smaoinigh sibh riamh ar chéard a tharlaíonn nuair a bhailítear an bruscar sa mbaile? Bhuel tabharfaidh Peadar cuairt ar ionad athchúrsála chun é a fháil amach. Beidh Muireann Ní Ghloinn agus Ailbhe Ní Ghionnáin ag cabhrú sa stiúideo chun piastlann a dhéanamh. Beidh Úna ag breathnú ar na rudaí iontacha a dhéanann siad san ionad 'ReCreate' as ábhair athchúrsála. Mar is iondúil, tabharfaimid muid cuairt ar an tOllamh Ullamh agus a chúntóir Aodh, go bhfeicfimid céard atá ar siúl acu inniu.

Solas agus mar a ghintear é is ábhar do chlár an lae inniu. Tabharfaidh Peadar cuairt ar theach solais Inis Oírr. Beidh Fiach Ó Coistealbha and Mac Ó Brian sa stiúideo le sláthach fluaraiseach a dhéanamh. Tabharfaidh Úna cuairt ar W5 i mBéal Feirste agus beidh an tOllamh Ullamh agus Aodh fágtha sa dorchadas!

Solaid, leachtanna agus gáis is ábhar don chlár seo. Beidh an-spraoi ag Peadar agus é ag iarraidh a fháil amach céard é 'OOBLEK' i gColáiste Lurgan. An leacht atá ann, nó an solad atá ann? Beidh Tiarnán Mac Ruairí agus Darragh Ó Dochartaigh sa stiúideo agus beidh siad ag obair le hoighear tirim. Beidh Úna ar an mbóthar agus tabharfaidh sí cuairt ar an Eolaí Gerry i nGaelscoil Dara agus iad i mbun tástála. Mar is iondúil tabharfaimid cuairt ar an Ollamh Ullamh agus a chúntóir Aodh go bhfeicfimid an bhfuil mórán oibre á dhéanamh acu sa tsaotharlann.

Tabharfaidh Peadar cuairt ar ionad Náisiúnta Mara na hÉireann agus bainfidh sé triail as an linn snámha speisialta atá acu chun chuile staid den aimsir a mhothú! Beidh Conall Ó Cualáin agus Micí Ó Sé ag cabhrú sa stiúideo agus foghlaimeoidh siad faoi chomhiompar. Beidh post nua ag Úna, le cúnamh agus comhairle ó Fiona Ní Fhlaithearta, gheobhaidh Úna deis a bheith ina cailín aimsire don lá.

Teas is ábhar don chlár seo. Beidh deis ag Peadar an seancheird agus scil, séideadh gloine, a fhoghlaim. Beidh Deirdre Ní Churraoin agus Colm Ó Curraoin in éineacht le Peadar sa stiúideo agus iad ag foghlaim faoi dhá mhodh aistriú teasa - seoladh agus comhiompar. Cuirfidh Úna aithne ar chairde nua nuair a fheicfidh sí sicíní óga áille agus í amuigh ar an mbóthar. Tabharfaimid cuairt ar an Ollamh Ullamh agus a chúntóir, Aodh, go bhfeicfimid cé na bobanna atá á n-imirt acu.

Leictreachas is ábhar don chlár seo. Rachaidh Peadar amach chun níos mó a fhoghlaim faoi charranna leictreacha agus na buntáistí a bhaineann leo ó thaobh na timpeallachta de. Beidh Conall Ó Mistéal agus Ailbhe Seoighe ag cabhrú le Peadar sa stiúideo agus déanfaidh siad ceallra líomóide. Tabharfaidh Úna cuairt ar Scoil Bhríde i mBaile Átha Cliath, áit a bhfuil ceardlann leictreachais ar siúl ann. Imríonn Aodh cleas eile ar an Ollamh Ullamh ag úsáid cumascóra.

Domhantarraingt is ábhar don chlár seo. Rachaidh Peadar agus a chairde ar rollchóstóir an-ard chun sampla spraíúil agus scanrúil de dhomhantarraingt a léiriú. Beidh Freddie Ní hAlmháin & Liam Ó Fátharta sa stiúideo ag déanamh turgnaimh ar mheáchanlár agus beidh paraisiút le dearadh acu freisin. Tabharfaidh Úna cuairt ar ghleacaithe agus iad ag foghlaim scileanna nua ar an trampailín. Titeann an tOllamh bocht anuas, agus é ag iarraidh domhantarraingt a mhíniú d'Aodh.

Fuaim is ábhar don chlár seo. Tugann Peadar cuairt ar stiúideo taifeadta go bhfeicfidh sé mar a thaifeadtar fuaimeanna. Beidh James Mullarky agus Eoin Ó Neachtain ag glacadh páirte i ndúshlán an stiúideo. Beidh Úna ag iarraidh fuaimeanna na n-ialtóg a thaifeadadh agus féachann an tOllamh Ullamh le ceacht fuaime a thabhairt d'Aodh. Taispeánfaidh Peadar turgnamh dúinn a mbeimid in ann a dhéanamh sa mbaile.

Fórsaí an domhain a bheidh faoi chaibidil ag Peadar agus ag Úna inniu. Féachfaidh Peadar le roicéad a lainseáil. Beidh Cairbre Ó Clochartaigh agus Aoibhneas Ní Chlochartaigh sa stiúideo chun liathróidí preabacha a dhéanamh agus tabharfaidh siad faoin dúshlán craiceáilte freisin. Tabharfaidh Úna agus a cairde cuairt ar an W5 i mBéal Feirste le breathnú ar na taispeántais a bhaineann le fórsaí. Fiosróidh an tOllamh Ullamh agus a chúntóir fórsaí chomh maith agus taispeánfaidh Peadar dúinn le roicéad coise a dhéanamh sa bhaile.

An raibh a fhios agat gur maighnéad mór amháin é an Domhan? Agus go bhfuil maighnéid i ríomhairí, i dtáibléid agus i bhfóin phóca? Tabharfaidh Peadar cuairt ar ionad athchúrsála miotail chun ceann de na maighnéid is mó sa tír a fheiceáil ag obair. Rachaidh Úna & a cairde ag treodóireacht sa gcoill. Caithfidh siad a mbealach a dhéanamh le léarscáil agus compás. Beidh Dylan Seoighe & Chelsea Seoighe ag cabhrú le Peadar sa stiúideo chun maighnéad a dhéanamh. Cuirfidh Aodh an dallamullóg ar an Ollamh nuair a rachaidh sé i bhfolach faoin mbord le maighnéad mór.

Ní gá gur sa tsaotharlann a d'fheicfeá ceimiceáin ag obair! Faigheann Peadar amach go mbíonn ceimiceáin i gceist leis an mbia is fearr leis féin a réiteach - píotsa. Beidh Cian Feeney agus Tadhg Ó Beaglaoich sa stiúideo in éineacht le Peadar le taos fiacla eilifinte a dhéanamh! Tabharfaidh Úna agus a cairde i nGaelscoil Dara cuairt ar shaotharlann eolaí. Tabharfaimid cuairt freisin ar an Ollamh Ullamh agus a chúntóir Aodh go bhfeicfimid céard atá ar siúl acusan inniu.

Eagrán speisialta ina gcaithfear súil siar ar bhuaicphointí na sraithe le Peadar agus Úna. Fillfimid ar na háiteanna iontacha ar thug Peadar agus Úna cuairt orthu agus an spraoi a bhí acu lena gcairde.

Clár speisialta dírithe ar an Ollamh Ullamh agus a chúntóir Aodh. San eagrán seo feicfimid an chuid is fearr den phleidhcíocht agus cleasa a bhí ar siúl sa tsaotharlann idir an bheirt. Feicfimid an tOllamh bocht ag iarraidh ceachtanna a mhúineadh dá chúntóir ach ar bhealach éigin, faigheann Aodh an lámh in uachtar ar an Ollamh Ullamh lena chuid cleas!

Cúrsaí fuinnimh is ábhar do chlár an lae inniu. Beidh Peadar ag fiosrú na bealaí is fearr le leas a bhaint as fuinneamh, lena stóráil agus le hathrú a chur air. Tabharfaidh sé cuairt ar fheirm ghaoithe agus gheobhaidh sé amach le fuinneamh a dhéanamh as aer. Beidh Marita Moran agus Éabha Bhreathnach sa stiúideo le tabhairt faoi thurgnaimh spéisiúla. Tabharfaidh Úna cuairt ar an gcoiste fuinnimh i nGaelscoil Riada go bhfeicfidh sí an méid atá ar bun acusan chun fuinneamh a chaomhnú sa scoil. Is cosúil go mbeidh an tOllamh Ullamh ag cleasaíocht arís inniu.