Tá Neil McManus ar dhuine de na hiománaithe is cáiliúla a d'imir d'Aontroim riamh. Chaith sé os cionn deich mbliana ag imirt agus léirigh sé comhsheasmhacht agus ceannaireacht ag imirt dá chontae agus dá chlub. Bhí McManus iontach ag tógail poic shaora agus d'oibrigh sé go crua ar an bpáirc i gcónaí agus rinne sé a dhícheall an iomáint a chur chun cinn i gCúige Uladh freisin. Is iomaí imreoir óg a spreag sé agus é ag caitheamh geansaí Aontroma.

Is é Conor McManus a bheidh faoi chaibidil sa chéad chlár den tsraith nua. Tá McManus ar dhuine de shárpheileadóirí na linne seo agus ar cheann de na himreoirí is fearr a chaith geansaí Mhuineacháin riamh. Ba mhinic leis cúilíní iontacha a fháil nuair a tháinig an crú ar an tairne. Ach is deacair aon rud a bhaint amach le cumas amháin, teastaíonn obair chrua agus íobairtí freisin rud atá le feiceáil go soiléir i scéal McManus, fear a rinne a mhíle dhícheall don chlub agus don chontae.

Téann Kayleigh Trappe ar aistear mórthimpeall na hÉireann sa gclár faisnéise seo faoi Bhoird Oideachais agus Oiliúna na tíre. Tabharfar léargas ar cheol agus cultúr, teanga agus cruthaitheacht fad a bhíonn Kayleigh ag bualadh le daoine ó chúlraí éagsúla agus iad ag tabhairt faoin bhfoghlaim.

Dírítear ar an bpeileadóir Eamon McGee as Dún na nGall sa gclár seo. Bhí cáil ar McGee mar gheall ar a sheasmhacht agus a láidreacht ar an bpáirc agus ba dheacair dul thairis agus é ar líne lánchúil Dhún na nGall. Is iomaí deacracht a bhí ag Eamon ina shaol pearsanta agus d'éirigh leis faoiseamh a fháil ó bhuaireamh an tsaoil trí a bheith ag imirt peile. D'éirigh le hEamon Craobh na hÉireann a bhuachan le Dún na nGall in 2012 faoi stiúir Jim McGuinness.

Is é Pádraic Maher as Tiobraid Árann a bheidh faoi chaibidil sa chéad chlár den tsraith is deireanaí de Laochra Gael. Tá Pádraic Maher ar cheann de na hiománaithe is fearr a d'imir do Thiobraid Árann riamh, ceannaire a bhí ann agus ní raibh mórán leathchúlaí láir a bhí chomh maith leis. Chaith Pádraic a shaol ag iomáint agus dhírigh sé go huile agus go hiomlán ar an gcluiche. B'éigean dó éirí as de bharr gortú muiníl.

Is stiúrthóir agus scríbhneoir í Rachael Moriarty. Oibríonn sí ar fud go leor seánraí teilifíse - cláracha fíorasacha agus formáidí, cláracha do leanaí, cláracha ealaíon agus siamsaíochta - do chraoltóirí éagsúla ar nós TG4, RTÉ, VM, BBC. I measc na saothar is déanaí tá cláracha údair amhail Síle Seoige: Deireadh Tochta agus Evelyn O'Rourke: Ailse & Ise. Tá gearrscannáin agus dhá fhadscannán comhscríofa/stiúrtha ag Rachael - Traders le Killian Scott agus Róise & Frank le Bríd Ní Neachtain. Tá an iliomad gradam buaite ag an dá scannán ag féilte idirnáisiúnta.

Cuireann Darach Mac Con Iomaire, scríbhneoir, léiritheoir agus stiúrthóir a bhfuil gradam IFTA buaite aige, Máistir-Rang i láthair i dteannta leis an láithreoir Aodh Ó Coileáin i mol gteic i nGaoth Dobhair i gcroílár cheantar Gaeltachta Dhún na nGall. Briseann stíl idirghníomhach Dharach ar cheird na scéalaíochta agus é ag tabhairt ugach don dream atá i láthair a gcuid carachtair, snáithe scéil agus radhairc féin a chruthú. Roinneann Darach chomh maith a aistear pearsanta féin.

Chuir Sinéad tús lena gairm ag oibriú ina dearthóir léiriúcháin ar ghnéchláracha i Stiúideonna Éireannacha Roger Corman, Concorde Anois agus le TnaG ar an sobalchlár suaitheanta atá acu, Ros na Rún. Bhog Sinéad go Los Angeles sa bhliain 2000 agus d'athraigh sí a gairm go maisiú seit. Is san áit sin a d'oibrigh sí ar dhrámaí grinn suímh ar nós Reba agus The War at Home. Mhaisigh sí cláracha mór le rá ar nós Mistresses, Lethal Weapon agus an clár thuasluaite 9-1-1.

Oibríonn Sorcha Nic Giolla Mhuire ina heagarthóir le Yellow Moon Post Productions...Rinne sí eagarthóireacht ar chláracha agus scannáin éagsúla le blianta anuas lena n-áirítear Doineann ina raibh an phríomhpháirt ag Peter Coonan. Inniu tá sí ag caint faoin ionchur cruthaitheachta atá aici mar eagarthóir; an tábhacht a bhaineann le hoibriú mar fhoireann agus an chaoi ar thug sí faoi ghairm bheatha chruthaitheachta sna meáin chumarsáide Ghaeilge a bhuíochas dá grá don teanga.

An bhfuil gairm bheatha sna meáin shóisialta Ghaeilge uait? Tugann an saor-chruthaitheoir ábhair Róisín Ní Mhaoláin agus comhordaitheoir meán sóisialta do TG4 Rút Ní Theimhneáin léargas dúinn ar na sceidil laethúla atá acu de réir mar a dhéanann siad ceangal le lucht féachana ar líne ar fud an domhain. Nochtann siad na tuairimí a bhíonn ag criticeoirí meán sóisialta a thugann neamhaird don tábhacht a bhaineann leis na meáin shóisialta agus pléann siad an tábhacht a bhaineann le taighde maith, pleanáil agus feasacht branda ó thaobh ceangal a dhéanamh leis an bpobal atá acu ar líne.