D’eagraidh Ealaín na Gaeltachta deireadh seachtaine iontach maith chun traenáil a chuir ar fáil do dhaoine ar spéis leo a bheith ina n-áisitheoirí drámaíochta. Bhí leas ag múinteoirí bunscoile, meánscoile agus lucht ollscoile as comhairle agus saineolas Dhiarmuid de Faoite i dTeach Bhréachmhaigh i gCo. Mhaigh Eo.

Ba í Máire Andrews a chuir tús le Ababú 20 bliain ó shin. Bhí sí ag iarraidh go mbeadh Gaeilgeoirí óga ag foghlaim faoin dóigh a n-oibríonn saol na drámaíochta i suíomh neamhfhoirmeálta. Ag obair le criú óg, Faoileann, Tuan agus Ruairí, cuireann Ababú gliondar i gcroíthe na bpáistí agus iad ag foghlaim faoi phrapaí, ceol agus na heilimintí eile a bhaineann le drámaíocht. Chaith muid an lá leo agus iad ag ullmhú prapaí don dráma atá á léiriú acu don Nollaig.