Is caoineadh é an dán in ómós d’Anthony Daly, a cuireadh chun báis go héagórach, agus labhraíonn an file ar son na ndaoine bochta atá faoi chois. Coinnítear cuimhne Anthony Daly beo tríd an bhfilíocht.

Scríofa ag Ailbhe Ní Ghearbhuigh. Is dán é seo a léiríonn an brú a bhíonn ar dhaoine óga sa lá atá inniu ann a bheith foirfe. Cailín atá ar thóir na foirfeachta agus na háilleachta atá ag labhairt sa dán seo. Úsáideann an file íomhánna brúidiúla chun míshonas an chailín a thaispeáint. Is léir ón áibhéil sna híomhánna go bhfuil an cailín ag fulaingt toisc nach bhfuil sí sásta lena corp féin.

Tugann an dán seo léargas dúinn ar an saol ó pheirspictíocht an pháiste agus na ceisteanna is tábhachtaí a bhíonn acu. Tá soineantacht an pháiste mar phríomhtheachtaireacht sa dán.

Dán simplí atá sa dán Teilifís le Gabriel Rosenstock a léiríonn an gnáthshaol agus an grá a bhíonn idir athair agus páiste. Tá grá an tuismitheora agus cruthaitheacht an pháiste lárnach sa dán seo le Gabriel Rosenstock. Nuair a chasann siad an teilifís, níl tada le feiceáil ach scáileán bán. Ach samhlaíonn an páiste rudaí áille: sneachta, sioráf, agus ulchabhán Artach. Taispeánann sé seo cumhacht na samhlaíochta i súile an linbh. Tá codarsnacht mhór ann idir an rud a fheiceann an páiste agus an rud a fheiceann an file - ní thagann an tsamhlaíocht chuige chomh héasca sin ach is léir gur athair grámhar agus foighneach é.

Léamh den dán 'Iníon' scríofa ag Áine Durkin. Pléann an dán téama na tuisceana idir glúnta, go háirithe idir máthair agus iníon.

Léamh den dán, 'Glaoch Abhaile', leis an Údar, Áine Ní Ghlinn.

Is scéal é an dán seo faoi dhuine nach n-éiríonn go rómhaith leis agus é ar imirce i Londain. Déanann an dán seo cur síos ar an náire atá ar an bhfear seo dá bharr. Léachtóir, iriseoir agus scríbhneoir is ea í Áine Ní Ghlinn. Tá dhá leabhar is fiche scríofa aici – ceithre chnuasach filíochta agus ocht leabhar déag do dhéagóirí agus do léitheoirí óga. Chaith sí roinnt blianta mar mhúinteoir meánscoile ach d’éirigh sí as sin le bheith ina hiriseoir le RTÉ agus le Raidió na Gaeltachta.

Pléann an dán téama na mothúcháin atá idir glúnta, go háirithe idir máthair agus iníon. As Ceantar na nOileán i gConamara ó dhúchas, tá Áine Durkin ina cónaí in Inis Eoghain ó bhí 1980 ann. Bhain sí duaiseanna liteartha (an chéad duais) ag Oireachtas na Samhna dá blag Mise Áine (2010), agus i gComórtas na Scríbhneoirí Úra dá cnuasach filíochta/amhrán ‘Mise Áine, An Bhean Istigh’ (2017). Bhain a hamhráin, ‘Le Do Thaobh,’ ‘Grá Faoi Bhláth,’ ‘Ní Thuigim,’ agus ‘Mar a Bhíonn’ duaiseanna ag an bhFéile Náisiúnta Pan Cheilteach (2013, 2018, 2019, 2020); Is údar an bhlag 'Mise Áine ag Rámhaille' í, blag a scríobhann sí go rialta, faoi chúrsaí an tsaoil, idir ghreann agus dáiríre. Cuireann sí dánta, agus scríbhinní eile, ar fáil d’irisí agus do na meáin.

Léamh den dán 'Deireadh na Feide', le hAilbhe Ní Ghearbhuigh.

Léamh den dán, 'Trén bhFearann Breac', le Colm Breathnach.