Tá Berni ar date le fear ar chas sí leis ar líne, ach níl mórán craic’ ann. Tá sí ag déanamh a díchill comhrá a dhéanamh leis, ach níl ag éirí go rómhaith léi. Níl uaidh féin ach pictiúir de chait a thaispeáint di ar an bhfón póca. Sa cheacht seo, foghlaimeoidh muid conas comhrá a dhéanamh agus ceisteanna a chur i gcomhthéacs sóisialta. Pléifidh muid conas ordú díreach agus indíreach a thabhairt do dhuine, agus breathnóidh muid ar an stór focal a bhaineann le hainmhithe agus feithidí na hÉireann.