Tuigtear dúinn go mbíonn roinnt dúshlán ann maidir le foghlaim na Gaeilge do dhéagóirí, amhail easpa cleachtaidh, an dearcadh go bhfuil an Ghaeilge ró-theoranta mar ábhar scoile amháin, agus na dúshláin a bhaineann le gramadach chasta. Chun an Ghaeilge a dhéanamh níos tarraingtí agus níos ábhartha do dhéagóirí sa lá atá inniu ann, tháinig Barr na gCnoc, GMCBeats agus Léiriú Súgradh Teo le chéile chun físeán ceoil i seánra hip hop a chruthú, le dul i bhfeidhm go mór ar an bhfoghlaim. Le cabhair ó dhaltaí Scoil Náisiúnta Strawberry Hill, Scoil Mhuire ar Chnoc na hAoine, agus Pobalcholáiste Thráolaigh Mhic Shuibhne ar Chnoc na hAoine, scríobh na daltaí na liricí iad féin i gceardlann ceoil le GMCBeats agus Barr na gCnoc. Cé nach raibh meas mór acu ar an nGaeilge ag tús an togra, bhain siad an-spraoi as “Is Linne Í” a dhéanamh, agus creidimid go gcruthóidh an aistear seo nasc níos láidre idir na déagóirí agus an teanga. Buíochas mór le múinteoirí agus príomhoidí na scoileanna a bhí páirteach, Siobhán Ní Dhuinnín, foireann Barr na gCnoc agus The Kabin Studio. Tá an togra seo léirithe agus stiúrtha ag Léiriú Súgradh Teo.